XP eta Scrum metodologiarako kudeaketa tresnak

XP eta Scrum metodologiak teknologiako proiektuen kudeaketarako tresna interesgarriak dira. Aurreko ikasturtean teknika horiekin trasteatzen hasi nintzen eta egia esateko baliagarriak direla ematen du. Teknika hauetan proiektuak kudeatzerakoan zenbait poster eta post-it eta txantiloi beharrezkoak dira eta teknologia gelan horiek guztiak izatea eta talde desberdinak bertatik pasatzerakoan nahiko konplikatua izan daiteke. Beraz hauek ordezkatzea tresna digital batekin ezinbestekoa egiten zait. Sarean trasteatzen Agile Tools delako webgunearekin topatu naiz.Bertan zenbait gestore desberdin agertzen dira, beraiekin lanean jartzen saiatuko naiz ea hortik zerbait interesgarria atera daitekeen. Momentuz horiek instalatzea oporretarako entretenimendua izango da...

Taldean erabakiak hartzen

Talde lanetan zenbait momentutan taldeka erabakiak hartu behar dira. Kasu horietan taldekide bakoitzak bere ideiak besteei azaldu, besteen ideiak entzun eta ulertu eta ideiak kontrajarri behar ditu. Hori hizkuntza komunikaziorako gaitasunarekin lotuta dago, bereziki lagun-taldean ideiak inplementatzeko ideien hautaketa prozesuarekin.
Argi dago konpetentzia hau teknologiako proiektu bat burutzen denean zenbait fasetan lantzen dela, hain zuzn ere honako faseetan bereziki:

• Lan proposamena aztertzerakoan.
• Aurretiazko diseinua burutzerakoan.
• Ondorioak ateratzerakoan.

Kasu bakoitzean ikasleek egin beharreko lana bakarka aztertzen eta burutzen dute , horretarako dokumentu bat erabiltzen dute. Ikasle bakoitzak bere dokumentua moodlera igoko du, horrela hausnarketa hori burutu duela ziurtatuko dugu. Hori egin ondoren taldeka ikasle bakoitzak bere taldeari berak egindako lana azalduko dio. Guztien azalpenak jaso ondoren guztien artean eztabaidatuko dituzte eta dokumentu bat adostuko dute. Dokumentu hori aurretiaz izendatutako idazkari batek jasoko du eta moodlera taldearen izenean igoko du. Prozesu hau burutzen den bitartez beste talde bateko behatzaile batek ikuskatuko du eta taldekide bakoitzaren partaidetza ebaluatuko du. Gero bere ebaluazioa galdetegi batean batuko du. Behatzaileak talde bateko kideak izango dira. Talde hori banatuko da eta taldekide bakoitza beste talde batekin batera jarriko da eta taldearen jarduera aztertuko du taldearekin inolako elkarrekintzarik gabe. Fase bakoitzean behatzailearen rola talde desberdin batek egingo du. Behatzaileen taldeak ariketa bera egingo du, baino kasu horretan irakasleak behatzailearen lana egingo du.
Behaketa hori burutzeko ebaluazio tresna bat diseinatu behar da eta datuak betetzeko tresna horren araberako datu bilketa tresna bat erabili behar da. Ebaluazio tresna errubrika bat izan daiteke, datu bilketa tresna galdetegi bat.
Momentuz froga moduan DBH1 eta DBH2ko taldeetan erabili dut galdetegi esperimental baten laguntzaz, emaitzen arabera ikasleekin errubrika bat adostuko dut eta horren arabera galdetegia doituko dut. Agian datu bilketarako txantiloi azkar eta bisual bat garatu beharko dut behatzailearen lana errazteko eta gidatzeko. Hori hobekuntzetarako geratzen da. 

Secuencias Didacticas Digitales con LAMS

Secuencias Didacticas Digitales con LAMS Garatuko ikastaroa egiten hasi naiz, eta egia esateko oso itxura ona du. LAMS ez nuen sakonki ezagutzen eta berarekin izan dudan lehen kontaktua oso ona izan da.
Orain arte Moodle erabiltzen ibili naiz eta egia esateko oso tresna potentea da. Ebaluazio sistema sendoa du eta ikastaroaren kontrola ahalbidetzen du, zer, nork noiz eta noiz arte zehaztea erraza da. Moodlek ordea lanak sekuentziatzea ahalbidetu arren ez da oso txukuna horretan, egia esateko bere itxura  pixka bat sovietikoa da. Moodlen sekuentzia didaktikoa jarraitu egiten daiteke baina ariketen fluxua eta antolamendua sarritan ez da erraz antzemanten.   LAMSen ordea sekuentzia didaktikoak zuzenean diseinatzen dira plataforman bertan eta beraz ariketa eta pausu bakoitza sortzerakoan ikasleak egingo duen ibilbidea zuzenean ikusiko dugu, horretaz gain ikasleak ere sekuentzia hori bistaratzeko gai izango da. Horretaz gain sortutako sekuentzia didaktikoak erraz argitaratu eta partekatu daitezke, horretarako errepositorio publikoak daude.
Ikastaroan momentuz LAMSerako sarbide bat ikusi dugu eta sekuentzia didaktiko bat diseinatzen hasi gara bertan agertzen diren elementu desberdinekin trasteatuz.
Nire lehen sentsazioa sinpletasuna izan da. Interfasea nahiko sinplea da, elementuen konfigurazioa erraza da, aukera eta tuneatzeko gauza gehiegirik gabe. Dirudienez,  ez da beharrezkoa ezaguera tekniko sakonak izatea eta beraz martxan jartzea oso erraza da. Sakontzen dugunean ikusiko dugu noraino konplikatu daitekeen.
Moodlekin integratzea posiblea da beraz LAMSekin egindako sekuentziak orain erabiltzen dudan moodlearekin erabiltzeko aukera badago.

Educar en tecnología

Urriaren 27an, Deustuko Unibertsitatea n Telefonica Catedraren eskutik Educar en tecnologia jardunaldiak burutu ziren. Bertan Urruneko laborategien inguruko bi aurkezpen ikusteko aukera izan genuen.  Oportoko Goi Mailako Ingeniaritza  Institutuko Gustavo R. Alvesek Los laboratorios remotos: experimentación a distancia aurkeztu zuen. Urruneko laborategiak definitu ditu, euren arkitekturaz mintzatu da eta euren erabilera didaktikoaz hausnarketa egin du. Deustuko Unibertsitateko Javier G. Zubiak Laboratorios remotos sociales: movilidad, redes sociales, entornos inmersivos aurkeztu zuen. Deustuko weblab-a aurkeztu zuen eta baliabide horren erabilera didaktikoari buruz hitz egin zuen bertan dauden baliabideak erabiliz. Ondoren, La importancia de la “experimentación activa” en el aprendizaje mahinguruan urruneko laborategiak eskaitzen dituzten aukera pedagokikoei buruz hitz egin zen. kaferako etenaldia eta gero Lauro Ikastolako Borja del Riok ¿Qué aprenden los niños programando ordenadores? plazaratu zuen. Borjak Lauro ikastolan Scratch eta Lego WeDo erabiliz ikasleekin programazioa landu du eta Scratch Egunean izandako esperientzia aberasgarria partekatu zuen. Strelia Technology Serviceseko Jesús Ángel Brabok Camps Tecnológicos: programación y robótica en verano plazaratu zuen udo honetan egindako teknologiarekin loturiko kolonien inguruko esperientzia azalduz. Bukatzeko Cátedra Telefónica – Deustoko Pablo Garaizarrek Aprendizaje y videojuegos hitzaldia eman zuen. Hitzaldi honetan jokoen eta ikasketaren arteko erlazioak erronkak eta arriskuak garatu zituen. Orokorrean oso jardunaldi interesgarriak izan dira, parte-hartzaile desberdinek baliabide eta aukera didaktiko berriak gure esku jarri dituzte modu erakargarri eta zuzenean. Datorren urtearen hasieran jarraipena izango dute, nik posible izan ezkero, errepikatuko dut.

DBH3A Taldeak martxan

DBH3A teknologiako taldeen blogger-eko blogak eta siteak martxan jarri ditut. Aurreko kasuan bezala siteak egiteko txantiloi hau erabili dut. Txantiloi hori publikoa egin dut, edozeinek kontsultatzeko moduan egoteko. Talde desberdinen blogak hauek dira:
http://bythefaceak.blogspot.com/
http://isjak.blogspot.com/
http://geldiezinak.blogspot.com/
http://gaiaiak.blogspot.com/
http://nahietaez.blogspot.com/
Erabilitako txantiloia sarrera dinamikoena da, ikusiko dugu ea ikasleak gustuko duten eta ea egingo dugun erabilerako egokia den.

DBH2 teknologia eta lankidetza taldeen proiektua

Pasa den ikasturteko bukaeran Mondragon Unibertsitatearen laguntzaz ikastolaren lankidetza proiektuan sartu nintzen. Teknologia lankidetza taldeetan garatzen den ikasgaia da, beraz proiektua parte hartzea zerbait naturala da. Proiektu honetatik zer espero dut, konpetentzien bitarteko ebaluaziorako trantsizioa egiten laguntzea. Unibertsitateko adituen laguntza benetan interesgarria izan daiteke.
Orain arteko ereduetan ez dut horren inguruan gauza handirik topatu. Momentuz ze konpetentzia neurtuko ditudan erabaki behar dut, horretarako oinarrizko konpetentziak aztertzen nabil, ikasgaiko konpetentzia espezifikoak euskal kurrikulumean aztertu ditut eta egia esateko ez dut gauza handirik eskuratu. Eusko jaurlaritzaren dekretua aztertuko dut berriro ere eta ea bien artean zerbait argitzea lortzen dudan.

DBH3B Taldeak martxan

2011-12 ikasturteko DBH3B taldeko siteak eta blogak martxan jarri ditut. Sitea egiteko txantiloi bat sortu dut eta horrekin talde guztien siteak sortu ditut. Blogak egiteko Blogger erabili dut, talde bakoitzaren blogaren jabea ni naiz eta ikasleak idazleak dira. Ikasleei gonbidapenak postaz bidali zaizkie. Horrela blogak euren posta.gazbi.net kontuarekin lotuta dago.
Blogaren ikuskera dinamikoa esleitu dut, ikusiko dugu ea zelako itxura duen, desegokia izan ezkero itxura klasikoago batera bueltatuko gara. Egia esateko ez dakit itxura klasikoak taldearen logotipoa jartzeko aukera ematen duen, ikusiko dugu. Taldeen blogak hauek dira:
http://t35taldea.blogspot.com/
http://papafritak.blogspot.com/
http://teknoadvance.blogspot.com/
http://postereviento.blogspot.com/

Eskola 2.0 ordenadoreak teknologiako eguneroko jardueran

Eskola 2.0 ordenadoreak teknologia ikasgaia garatzeko tresna ezinbestezkoa bilakatu dira. Ikasleen eguneroko jardueran txeraturi daude. Alde batetik ikasgaiaren ardatza, ikasgaiko moodle ikastaroa, erabiltzeko balio dute. Ikasleak egin behar dituen ariketak, erabilgarriak izan daitezken baliabideak eta bere ibilbidearen ebaluazioren berri izateko tresna du. Bestetik proiektuak egiterakoan informazio iturri eta dokumentazio eta kudeaketa tresna da. Proiektua diseinatzeko informazioa eta ideiak eskuratzeko oso tresna baliagarria da. Proiektuan egindako lana dokumentatzeko eta eta lanaren jarraipena egiteko talde bakoitzaren googleko sitea aurrera eramateko balio du. Bai moodle bai siteekin ikasleek ikastolan edo etxean lan egiteko bidea dute, eta lan kolaboratiboa egitea ahalbidetzen dute, bereziki google apps tresnak. Ebaluazioa egiterakoan siteetan jarritako lanak ikasle guztien esku jar daitezke eta horrela koebaluazioa errazten da. Koebaluazioa bideratzeko errubrika eta googleko galdetegia erabiltzen dut, datu bilketa errazten du eta informazioaren trataera erraza ahalbidetzen du.

Eguneroko scruma

Egunero, klase bakoitzaren hasieran eguneroko scruma egiten dut. Horretarako klase barruan, tailerrera joan aurretik ikasleak taldeka jartzen ditut eta euren proiektuaren egoerari buruzko galdetzen diet. Nola dago? zer falta da? zer egingo duzue gaur? galdera sinple hauek euren lana enfokatzeko  nahiko lagungarriak dira. Galderak modu azkar eta informal batean egiten ditut, guztiak zutunik egonda. izatez oso azkar bukatzen dugu, iraupen laburrekoa izanik. Bukatu eta gero tailerrera jotzen dugu eta talde bakoitza bere proiektuarekin lanean jartzen da.

Bigarren sprinta

Scrumekin trasteatzen jarraituz, lehenengo sasi-sprinta egin eta gero, eta aurreko sprintaren balorazio txiki bat eginda, bigarren sprinta martxan jarri dugu. Egia esateko, benetako scrumetik nahiko urrun nago momentuz. Horian arte egindako gauza bakarra lana sprintetan banatzea izan da. Srum bakoitzean proiektuaren pila ikasleekin zehaztu dut eta scrumaren bukaeran sasi-demo bat egin dugu. Eguneko scrumak egitea talde bakoitzarekin ezinezkoa izan da, denbora faltagatik. Etorkizunari begira, hau da, datorren ikasturtean proiektua hasi baino lehen proiektuaren pila zehazten saiatuko naiz, horrela histotirako puntuak kalkulatzeko eta sprint bilerak patxadaz antolatzeko.

Momentuz scrum master eta proiektuaren ugazabaren papera betetzen nabil, etorkizunean scrum masterraren lana agian ikasleei pasatzeko ahukera egon daiteke, baldin eta sistema ezagutzen duten. Hori ikusi beharko da. Lanaren jarioa kontrolatzeko arbelak eta postitak erabiltzea nahiko zaila ikusten dut, lan esparrua hainbat taldek erabiltzen dute eta, agian zerbait digitala eginda... ikusiko dugu
Sprint honetan burutu beharreko lanak hauek dira:

1. Ateraren sistema elektrikoa diseinatu
2. Sistema elektrikoaren elikadura eraiki.
3. Martxan jartzeko eta gelditzeko sistema diseinatu.
4. Martxan jartzeko eta gelditzeko sistema diseinatu.
5. Atea mugituko duen motorea lortu.
6. Atea mugitzeko sistema diseinatu.
7. Egun bakoitzean taldearen egunkaria bete.
8. Proiektuaren jarraipena erabili lan desberdinak kudeatzeko.

Lehenengo Sprintaren balorazioa

Hiru aste pasatu eta gero, hirugarren asteko azken orduan talde bakoitzaren egoeraren aurkezpen publiko ez formala burutu dugu. Emaitzak orokorrean positiboak izan dira. Ikasleen esanetara helburu finko batzuk izateak lagungarria izan da. Dena dela, talde guztiek ez dute lortu bere helburu guztiak burutzea.
Aurreko esprintean ez genituen prioritateak zehaztu eta agian horrek enfokatzea zaildu du. Agian hurrengo sprintetan horren inguruan zerbait egin beharko genuke. Honetaz gain lanaren ebaluazioa ere aztertu beharreko alor bat bada. Agian sprint bakoitza bukatzerakoan taldekideek euren lana ebaluatu beharko zuten modu ez formal edo formal batean. Modu ez formalean demoan egin daiteke, baina agian sprintaren lanen betetze mailaren inguruko zerbait interesgarria izan daiteke...

Lehenengo Sprint-a

DBH2 Teknologiako bi taldeekin SCRUM metodologiarekin trasteatzen nabil. Ikasleek ikasgaian garatzen dituzten proiektuak antolatzeko erabiltzen hari naiz. Momentuz pilak eta sprintak erabiltzen hari naiz. Oporren bueltan lehenego sprintaren demoa eta erretrospektiba burutuko dugu. Momentuz proiektuak enfokatzen laguntze digu ikasleei eta baita niri ere.
Lehenengo sprinta hiru astekoa izango da eta pilan hauek dira bete beharreko lanak:

1. Lan proposamena aztertu taldeko sitean sartu.
2. Bakoitzaren aurretiazko diseinua burutu, taldeari aurkeztu eta sitean marrazkia eta azalpena jarri.
3. Taldearen aurretiazko diseinua erabaki, marraztu eta azalpenarekin batera sitean sartu.
4. Atea eutsiko duen egitura eraiki.
5. Egun bakoitzean taldearen egunkaria bete.
6. Proiketuaren jarraipena erabili lan desberdinak kudeatzeko.

DBH2 teknologiako taldeen siteak

Teknologiako proiektuak dokumentatzeko aspaldi wikispaces-eko wikiak erabiltze ibili nintzen. Erabiltzeko nahiko errazak ziren eta eduki desberdinak (testua, irudiak, bideoak) erraz txertatze zen. Garai batean, publizitaterik gabeko wikiak izateko aukera ematen zuten. Ikasleek orokorrean ondo moldatzen ziren, baina batzuetan euren erabiltzaile izena edo pasahitza ahazten zuten eta hori konpontzeak zailtasunak ematen zituen.
Hori ikusi eta gero, erabiltzaileen kontrol hobeago izateko eta  ikasleen gonbidapenak eta kudeaketa errazago izateko, ikastolako Goople Apps-ak eskaintzen dituen siteak erabiltzea erabaki nuen.

Momentuz talde bakoitzaren sitea nik sortzen dut eta ikasleak nik konbidatzen ditut. Nik sitearen jabea naiz eta ikasleek editatzeko baimena dute. Horrela sitean egindako aldaketa guztien berri izaten dut eta ikasle bakoitzaren lanari jarraipena egiten diot. Siteak sortzeko txantiloi bat sortu dut, horrela sitea sortzerakoan ikasleek erabakitako izena jarri eta taldekideekin partekatzea besterik ez dut egin behar. Sitean taldeko kideak editatzeko baimena daukate, gainontzeko gelakideek ikusteko baimena dute, horrela besteen lana ebaluatzeko aukera daukate.
Sitea unitateka banatuta dago. Unitate bakoitzeko atal bat dute menu nagusian. Atal bakoitzean honako azpi atalak daude:

Lan proposamena

Unitatean eraikiko den lan proposamena eta bere analisia jarriko dute. Web Page orrialde bat da.

Aurretiazko diseinua

Hemen ikasle bakoitzak bere taldeari aurkeztu dion diseinuaren irudia eta idatzizko azalpena eta taldean erabaki duten diseinua eta bere azalpena agertuko dira. Web Page orrialde bat da.

Materialak

Hemen proiektua eraikitzeko erabiliko diren materialak eta tresnak zerrendatuk dira, baita euren erabilera arauak ere.

Eraiketa

Hemen proiektuaren eraiketa deskribatuko da, emandako pausuak, izandako arazo eta zailtasunak e.a. deskribatuz. Web Page orrialde bat da.

Behin-betiko diseinua

Hemen eraikitako proiektuaren plano, argazki eta irudiak jarriko dira. Web Page orrialde bat da.

Froga

Hemen proiektuan eraikitako objektua edo sistemaren froga deskribatu eta dokumentatuko da idatziz, argazkiekin edo eta bideoekin. Web Page orrialde bat da.

Ondorioak

Hemen proiektua eraiki eta frogatu ondoren ateratako ondorioak, egindako diseinu aldaketak eta euren arrazoiak e.a. islatuko dira. Web Page orrialde bat da.

Egunkaria

Hemen egun bakoitzean egindako lana, artutako erabakiak, lanen banaketak, izandako arazoak e.a. dokumentatzen dira. Honen helburua proiektua bukatzerakoan hausnarketa bat egitea ahalbidetzea da. Announcements orrialde bat da.

Proiektuaren jarraipena

Orrialde honen helburua lan desberdinen kudeaketa eta kontrola da. Orrialde honetan lanak zerrendatu, taldekideei esleitu, bukatze data zehaztu eta euren egoera (egin gabe, egiten edo eginda) zehazten da. List orrialde bat da eta bertan honako eremu pertsonalizatuak agertzen dira:

1. Egin beharrekoa
2. Nork 
3. Noizko 
4. Egoera 

SCRUM eta teknologiako proiektuak

Scrum programazio proiektuak garatzeko teknika edo metodologia bat da, metodologia arinen multzokoa. Bertan proiektua zatitan edo sprint-etan banatzen da eta lana jarioa denboran zatitan asignatu egiten da. Metodologia hori teknologiako proiektuen garapenean inplementatzen saiatuko naiz.
Horretarako  Henrik Kniberg-en SCRUM Y XP DESDE LAS TRINCHERAS como hacemos Scrum liburua irakurtzen hari naiz, momentuz ideia interesgarriak azaltzen dira. Liburua softwarearen ekoizpenera bideratuta dago, baina lan egiteko moduaren filosofia aplikagarria izan daiteke. Hori dela eta, bigarren mailako kurtsoko azkeneko proiektuarekin esperimentatzen hasiko naiz.

Googleko galdetegiak

Googleko galdetegiak (Google Forms) datuak biltzeko tresna oso interesgarriak dira. Datuak modu errazean biltzeko eta tratatzeko aukera ematen digute. Galdetegietan emandako erantzunak google docs-ek kalkulu orri batean biltzen dira, eta orri horretan datuak bildu eta gero beharrezkoak diren operazio matematiko desberdinak egin daitezke. Horretaz gain, googleren emaitzen kalkulu orriak bildutako datuen aurkezpen grafikoa automatikoki sortzen du. Galdetegiak modu anonimoan edo identifikaturik bete daitezke eta beraz inkestak eta ebaluazioak egiteko oso baliagarriak dira.
Galdetegiak identifikaturik betetzea nahi dugunean, autentifikazioa eskatzea autatu behar da eta gero galdetegia bete behar duenari bidali behar zaio. Honek ikasle kopuru handiekin edo galdetegi kopuru handiekin e-mail bidalketa izugarria sortaraz dezake, eta kasu batzuetan spam-a ekiditezko politikarekin arazoak izan dezakegu. Hau ekiditzeko Google Apps-eko domeinu batean  lanean bagaude domeinuko taldeak sortzen ekidin daiteke.

Berdinen arteko zuzenketa

Sarritan ikasleen lanak zuzentzerakoan, gure ikasleek zuzenketa horretatik hartzen duten berrelikadura nahiko eskasa izaten da. Ikasleentzat zuzenketa asunto bitarra da, edo ondo dago edo txarto dago. Zuzenketaren zehaztasunak ez dituzte aztertzen, bereziki porrotaren arrazoiak, eta beraz hobekuntzak egiteko aukerak alperrik galtzen dituzte.
 Honi aurre egiteko asmoz, ikasleen ariketetan, eta orokorrean lan guztietan, berdinen arteko zuzenketa martxan jarriko dut. Ikasleen eskuetan zuzenketa irizpideak jarriko ditut eta besteen lanak zuzenduko dituzte eta nota jarriko diete. Nik nire partez beraiek egindako lana zuzenduko dut eta bai lanaren egileari, baita lanaren zuzentzaileari nire zuzenketaren berri emango diet eta arrazoituko dut.
Prozesu honek bi helburu ditu, alde batetik ikasleek ebaluazio prozesua ulertzea eta prozesuaren parte sentitzea, bestetik besteen lanak modu kritiko batean aztertzerakoan euren lanak hobetzeko aukera izatea.
Lan gehiago suposatuko du? hasieran seguruenik, baina denborarekin ikasleek prozesu honetan autonomia irabaziko dute. Sistemak funtzionatzen badu, ikasleen lanak gero eta egokiagoak izango dira, eta beraz taldearen errendimendua eta emaitzak hobetuko dute.
Prozesu hau burutu ahal izateko errubrikak ezin bestekoak dira, errubrika egokian burutzea lortzen badut ikasleek balorazio irizpideak barneratuko dituzte eta kontuan izango dituzte lanak egiterakoan eta euren kideen lanak zuzentzerakoan eta honek hobekuntzak ekarri beharko ditu...

Marrazketarako tresnak

Educ@contic blogeko jarioa aztertzerakoan marrazketa teknikoa lantzeko tresna interesgarriak topatu ditut.  Normalizazioa, Perspektiba konikoa, Bistak eta Sistema Diedrikoa lantzeko web bitarteko aplikazio batzuk agertzen dira. Gazteleraz daude eta nahiko itxura interesgarria daukate. Egia esateko datorren ikasturtean frogatzeko modukoak dira, horretarako patxadaz aztertu beharko...

Google Apps DBH2 teknlogian

Teknologia alorrerako Google Apps oso tresna interesgarria da. Orain arte Gmail, Google Calendar, Google Docs, Google Sites eta Google Video eskaini ditu. Gaur egun Googleren tresna gehienak eskaintzen ditu.
Gure ikastolak Google Apps for Education delakoa dauka. Teknologia alorrean Gmail komunikazio eta koordinazio tresna moduan erabiltzen dugu, Google Calendar lan taldea kudeatzeko eta antolatzeko erabiltzen ditugu, Google Docs idatziko lanak burutzeko (bakarkakoak eta taldekoak), Google Sites taldearen dokumentazio gordailu moduan eta eraiketa eta txostenak egiteko erabiltzen dugu eta azkenik Google Video proiektuen frogak grabatzerakoan egindako bideoak argitaratzeko.
Aurten Googlek zerbitzu gehiago eskuragai jarri ditu, hauen Picasa Web eta Blogger ditugu. Picasa web interneteko argazki albumak eskaintzen ditu, bertan bai proiektuen argazkiak baita planoak igotzen ditugu gero beste zerbitzuetan txertatu ahal izateko, Blogger blogak eskaintzen ditu, blog hauek taldearen lanaren berri emateko tresna moduan erabiltzeko asmoa dut.

Teknologia ikasgairako errubrikak

Errubrikak ebaluazio tresna oso baliagarriak dira, irakaslearentzat eta bereziki ikaslearentzat. Irakaslearentzat bere balorazio irizpideak finkatzeko eta ikasleei azaltzeko baliagarriak dira, ikaslearen kasuan bere lana eskatutakoari doitzeko tresna lagungarria da eta bere burua eta beste ikaskideak ebaluatzeko baliagarria da.
Ikasturte honetan errubrikak ikasleekin erabiliko ditut, auto ebaluazioa eta koebaluazioa burutzeko. Ideia DBHko 4 mailetan erabiltzea da, ikasleen artean koebaluazioa bultzatzeko eta ikasleek lanak egiterakoan zer espero den zehatzago jakin dezaten.

Iraungitze aurreprogamatua

RTV2 telebista katean Comprar tirar comprar dokumentala plazaratu dute. bertan objektuen iraungitze artifizialari buruzko ikerketa interesgarri bat egiten dute eta gaur eguneko kontsumoaren gizarteari buruzko hausnarketa egiten da. bereziki interesgarria da, eta hausnarketa egiteko abiapuntu paregabea da.

Comprar, tirar, comprar

BGITEKNOLOGIA

BGITEKNOLOGIA bloga jaio da, bere helburuak honakoak dira:

1. Bihotz Gaztea ikastolako teknologiako alorrean burutzen diren ekintza eta proiektuen berri ematea.
2. Ikasgaiarekin bat datozen berri, informazio, baliabide e.a. aztertzea eta eskuragai jartzea.
3. Blogger blog plataformak eskaintzen diten aukerak  eta egokitasuna aztertzea.